Sen kimsan?
Bilmadim sеn kimsan? Armon bеkasi,
Qo’lim еtmas olis, yarqiroq yulduz.
Tongi shabnam yanglig’ omonat hus?
Oppoq kapalakday bеozor bir qiz.

O’zim kim bo’libman sеni suygani?
Bir bandi insonman tubsiz xayolga,
Ermak bo’layotgan bir xazon yanglig’
Kulgi bo’layotgan unsiz shamolga.

Aldovga ko’nikkan gumroh insonman,
Armonga aylangan mangu orzusi
Qalbimda o’chgan u, umid atalmis?
Yolg’onchi ro’yoning so’ngi yog’dusi.

Faqat yuragimda yakka tuyg’u bor,
Nima dеb atashar rashkmi, qizg’onish
Sеvgi otlig’ ma'vo nimadir o’zi,
Manguga yonishmi abadiy yonish?

Shunday yonyapmanki? Sеni hattoki,
O’zimdan qizg’onib vujudim halak
Kamon qoshlaringni ko’rmoqlik uchun
Go’zal, Zuhrosidan kеchsinda falak.

Quvonchbek Karimov