Yulduzlar haqida
Sharof Muqimov 1982-yil 11-aprel kuni tavallud topdi. Maktabni tugatgandan so-ng Toshkent Davlat San-at institutining kino TV rejissyorlik fakultetini tamomladi. U ijodini 2003-yil Muhammad Ismoilning "Balog'at bekati" vedeofilmida suratga tushishdan boshlaydi. Videofilm juda ham muvaffaqiyatli bo'lgani hamda Sharof Muqimov rolini a'lo darajada ijro etgani sababli o'zbek estradasining yulduzlari ijro etgan kliplarga sur'atga tushish takliflari tushadi. Nilufar Usmonovaning "Yur", Sobirjon Mo'minovning "Onangizga kuyov bo'laman", Shahlo Rustamovaning "Ko'zlarim xumor, xumor". Ushbu kliplar kutilmaganda Sharofga muvaffaqiyatlar olib keladi. Bir kun u Nilufar Pardayeva degan muhlisidan xat oladi. U yerda Sharofga shirin tilaklar tilab, qo'shiq kuylash taklifi bilan murojaat etgan bo'ladi. 2004-yilda esa Sharof Muqimov birinchi "Sen hayolimsan" qo'shig'ini hamda shu qo'shiqqa klip yaratadi. Bu qo'shiq bir oyda ommaga tez tarqalib xit taronaga aylanadi. So'ng "Chiroylisan tengi yo'q" qo'shig'i ham xit darajasiga yetadi. Xuddi shu yili u Toshkent Davlat San'at institutini tamomlaydi. Sharof Muqimov Respublikamizning barcha viloyatlarida o'zining gala konsertlarini juda a'lo darajada o'tkazib keladi. Hozirgi kunda uning 40dan ziyod qo'shiqlari, 20dan ortiq kliplari va "Jonim seni", "Orzu bu baxt", "Bu xayot" albomlarini taqdim etgan. Sharof Muqimov nafaqat qo'shiq kuylab kliplarda suratga tushadi, balki kino aktyordir ham. U 2005-yili Burxon Sharopovning "Jonim seni… yohud ekizaklar", "Niqob", Muzaffar Erkinovning "Armon" filmlarida bosh rol ijrochisi bo'lgan. 2007-yilda esa "Turkiston" saroyida o'zining ilk "Orzu bu baxt" nomli konsert dasturini o'z muhlislariga namoyish qiladi. Aynan shu yili Sharof Muqimov o'zining tirishqoqligi, este'dodi bilan "Nihol" mukofoti sovrinini qo'lga kiritadi. So'zimiz nihoyasida Sharof Muqimov 2010-yili o'zbek estradasining yorqin yulduzi Sevinch Mo'minova bilan baxtli turmush quradi.